太興 (已搬遷) 新店位置

食物嘅種類非常多，有唔同嘅小菜、炒粉麵、燒味、扒餐等等，基本上一定有啱食嘅野。小菜黎講，大部份都非常入味，尤其係啫啫菜煲，大大個煲入面裝住相當份量嘅通菜，配上有蝦乾嘅海鮮醬，不過可能對某啲人黎講會咸左啲。而蒸魚等菜式都可以一試，魚嘅大細適中，好在夠新鮮。最出色嘅係跟餐嘅老火湯，火喉夠唒，飲得出非常足料！可惜嘅係價錢偏貴，比起幾年前加價接近5成，兩個小菜套餐已經接近$200，接受到價錢嘅話可以一吃，不過好大機會要等位。