敏華冰廳 (新都城中心二期)

營業中

休息中

敏華餐廳都有近20間分店，部份分店有新鮮出爐嘅包餅，而新都城分店係一間舖位較細，座位亦較逼嘅餐廳。我哋一行四人坐咗位於門口嘅大圓枱，餐廳自助形式電腦落單，而且可以按自己要求訂製口味，可選八達通或現金付款後職員就會將食物送上，更快捷，準確。茶餐-荷蘭煉奶西多士，當小食，牛油唔係太易溶，中間唔係花生醬，我覺得一般。常餐-夠薑豬膶牛肉湯米粉拼炒滑蛋及歐式軟多士，平時唔食米粉嘅我都覺得米粉好味，夠淋但仍然有咬口，豬膶唔老，個湯底唔重味精。特餐-敏華黯然銷魂飯，係餐廳必試嘅食物之一，自訂口味可以揀叉燒肥瘦，煎蛋嘅製法，汁飯多少，叉燒水準真係唔錯，有少少似豬頸肉嘅油脂咁平均，夠厚，少少鞋都無，仲有少少焦位，唔會好似平時食燒味飯咁食到最後好乾。特餐-超大雞扒飯，雞扒大塊厚身無雪味，外脆內嫩。特餐-超級雜扒飯( 雞扒，豬扒，腸仔，餐肉)，想多啲肉類選擇呢個就啱晒，扒類舖平都差唔多蓋晒成隻碟，雞扒就同上面一樣，豬扒都唔錯㗎。 飲品凍飲加$3，特飲加$6。