大快活 (已結業)

今天傻鹿放假,上左來屋企陪我睇VCD,睇完都成4點幾,見大家都未食野,但礙於糧尾時候,所以近近地到樓下商場的大快活搵食.黎得呢度食野,當然唔奢求會好好食,我地只係一人要一份下午茶餐食下算數,傻鹿要左燒雞翼,而我要左咖喱牛肉奄列拼厚油多,兩份餐都跟雪菜肉絲米,之前見網友話即磨咖啡幾香幾濃,便各自要左一杯熱同凍的來試試.先講我個餐,個奄列唔熱,尤其係個餡,d牛肉只係普通的咸牛肉加蘑菇片,一d咖喱味都無,簡直係名不符實!而油多就好似烤唔夠的,又係唔熱.個米粉還好,夠熱夠味,ok啦!另試左一隻雞翼,好乾身,肉又好'鞋'無肉味,無初時咁好味.本來我對呢餐好失望,不過杯咖啡算係挽回不少分數,咖啡味幾濃,又有回甘味,正!另試左一啖凍啡,似乎無熱飲咁正,以快餐店來講,d咖啡算係高水準,不過若果在擺餐時能細心d,記得放低糖包,而不需我再往櫃面一次問店員拿糖包,咁就好得多了.