影片
更多
2022-11-24
3300 瀏覽
開十一點半 未開已經有客坐低等位想食沙瓜 脆骨 爽腩未開就坐定等係最穩陣落雨坐排檔 水記仲要喺條斜路上面一邊撇雨 一邊挺直條腰坐實在唔好受 嗱嗱臨食完為上策守規矩 無謂連累小店水記教條手字都幾核突 哈哈Order時樓面姐姐同隔籬枱擾攘咗一陣大約係因為一pair人兩個都想食沙瓜但就算兩個人都只可以叫一款 無得兩碗都拼沙瓜呀姐不停sorry話唔俾+唔得 老闆意思因為要留俾第二啲食客叫咁嗰pair食客有啲不悅同不解 最後都無奈接受點解老闆要咁煩 仲會得失客人一早賣晒咪賣晒 其實關鬼佢事 收咗錢咪得一係特別位賣貴幾倍 俾市場決定再唔係學過隔離幾條街某名店留晒啲靚位比 呀leg 呀卵 D哥哥囉老闆有態度👍🏻務求更多食客食到稀少部位簡直係食客福音幾分鐘後脆骨拼爽腩 $48無可否認嚟水記唔係次次都滿足水準有啲飄忽今次湯 清得嚟濃牛骨味 飲咗大半爽腩無人地牛腩鋪咁靚仔 但都好味脆骨一貫高質後記收單收錢時樓面姐姐同我呻唔係想留難人不過想更多人食到……下刪三百字
開十一點半 未開已經有客坐低等位
想食沙瓜 脆骨 爽腩
未開就坐定等係最穩陣
落雨坐排檔 水記仲要喺條斜路上面
一邊撇雨 一邊挺直條腰坐
實在唔好受 嗱嗱臨食完為上策
守規矩 無謂連累小店
水記教條
手字都幾核突 哈哈
Order時樓面姐姐同隔籬枱擾攘咗一陣
大約係因為一pair人兩個都想食沙瓜
但就算兩個人都只可以叫一款
無得兩碗都拼沙瓜
呀姐不停sorry話唔俾+唔得 老闆意思
因為要留俾第二啲食客叫
咁嗰pair食客有啲不悅同不解
最後都無奈接受
點解老闆要咁煩 仲會得失客人
一早賣晒咪賣晒 其實關鬼佢事 收咗錢咪得
一係特別位賣貴幾倍 俾市場決定
再唔係學過隔離幾條街某名店
留晒啲靚位比 呀leg 呀卵 D哥哥囉
老闆有態度👍🏻
務求更多食客食到稀少部位
簡直係食客福音
幾分鐘後
脆骨拼爽腩 $48
無可否認嚟水記唔係次次都滿足
水準有啲飄忽
今次湯 清得嚟濃牛骨味 飲咗大半
爽腩無人地牛腩鋪咁靚仔 但都好味
脆骨一貫高質
後記
收單收錢時樓面姐姐同我呻唔係想留難人
不過想更多人食到……下刪三百字
張貼
