大家樂 (已結業)

今日好寒冷，去大家樂最應該食火鍋，但係搵位既時候，我見到隔離枱碟類似“生炒牛肉飯”好似唔錯喎，而且又好大碟，仲標榜係“即炒”，於是就諗住叫返個啦，去到收銀水牌見到，原來係“楊洲炒飯”來的，好啦都好啦，試左先於是就點呢個吧。原來呢個因為即炒既關係，係唔需要排隊的，等叫號碼便可，等左大約八分鐘就可以取，但取見見到，成個飯白雪雪好清，真係同茶餐廳有好大距離，咦，但係點解見到我幅圖又好似好靚咁呢？係因為我走左去“火鍋自取配料區”度，自己加返些炸蒜粒，及自己加左 豉油，所以望落靚返好多，其實只要用心，連我呢亭唔識煮飯者，都可以令到個飯豐富精彩的。講返味道，其實真係同一般茶記仲有一段距離，更加唔太敢講同大排檔相比了。