狂野麻神麻辣火鍋 (已結業)

我同男朋友都好鍾意食辣🥰見超多人話呢到嘅火鍋湯底好正，星期日就嚟咗呢間狂野麻神麻辣火鍋到辣一辣過下癮先🤭牛肉盛一送到嚟，，賣相一流！牛肉油花分佈均勻入口肉質嫩滑，牛味濃郁，真是忍不住一口接一口！仲要有齊各款不同位置，牛肉愛好者真係唔可以錯過。海鮮盛合同樣吸引！鮮蝦大大隻，入口肉質紮實兼爽口。蟶子肉質滑柔嫩卻帶點爽脆，味道鮮甜。鮮魚肥美有咬口，款款都咁正。再加埋我最愛嘅水晶寬粉入麻辣火鍋湯底入面，寬粉吸滿麻辣香味，口感滑溜Q彈又夠哂辣呀😋勁惹味！