鰹烏冬 (駱駝漆大廈第三座)

營業中

休息中

eat乜雞髀 | 心目中第一雞髀|觀塘話說，鰹烏冬出名在佢哋新鮮自家製嘅讚岐烏冬。幾彈牙， 幾好味。不過，小編每次去都係為咗佢哋嘅小食——骨付雞、天婦羅。先講天婦羅，今次叫咗「天婦羅廣島牡蠣」,即廣島蠔。皮薄，新鮮炸出，香脆夠熱。廣島蠔亦非常新鮮，無腥味，唔需要任何醬料已經好正。如果你唔食蠔都唔緊要，普通天婦羅都好味。壓軸出場，骨付雞，即係雞髀。講真，係我食過最好味嘅雞髀。每一次去，都一定會食兩隻，沒有例外。一來夠大隻， 啖啖肉。二來，醃料醬汁非常出色，香口，入味，但又唔會太濃味，食完唔會好口渴。三來，肉汁豐富，唔會好似平時食雞髀咁有啲位太乾。簡單而言，必食。