影片
更多
2023-06-26
32 瀏覽
首先冇麻辣湯底唔一早講，Booking嘅時候唔出聲，去到入數之後先同你講一定要叫鴛鴦鍋先有麻辣湯底，仲要理直氣壯咁樣同我講話因為總公司供應資源短缺，所以冇重慶湯底，我想問冇麻辣湯底嚟呢度食托？仲要明明係你公司嘅安排問題點解要我加錢轉鴛鴦鍋？仲要個湯底鴛鴦鍋都算啦得一半嘅麻辣湯底都係淡茂茂無味，溝咁多湯水偷工減料到不得了。然後就係食物新鮮方面，個豬腦係極度唔新鮮，好似豆腐咁一夾就爛，從來都未試過食咁差嘅火鍋。全部都係虛有其表。仲要落完單過一排先同人講話冇毛肚，呢啲食重慶火鍋必備嘅配菜都冇，乜都冇就唔好學人開店啦。啲腰花又係臭嘅豬腦又係臭嘅，真係冇下次，食壞人都唔知點算！仲有塊地呀滑脫脫好似好耐冇拖地有層油喺度咁，差啲跣死我，人均400食啲咁嘅？$400我食到好多好嘢
張貼