Thai Market (已結業)

上網見呢度食評好似唔錯又話環境好好咁樣所以抱住少少期待嚟到呢一間餐廳。點知一嚟到呢度第一步成個氣氛已經破壞晒；第一；環境，呢度嘅環境冇食評入邊大家咁講到咁有泰國嘅feel，除咗門口有架tuktuk之外，基本上餐廳入邊環境同普通food court冇分別，連係一間餐廳個樣都稱唔上。第二，服務，呢10%嘅服務費真係比到我背脊骨落。成個餐廳入邊啲侍應個個都指手畫腳咁樣。一邊拍晒烏蠅人都唔多隻，但係又趕鬼咁問都唔問成隻攝青鬼咁就收晒我哋啲嘢。叫完嘢食想留低個餐牌點知比個八婆侍應話驚我哋整污糟個餐牌（我都未嫌你哋間餐廳污糟啦）😓。乜嘢服務都冇問佢攞杯水都係威係勢。叫埋單上拎返張單都好似要簽收咁樣仲要西口西面。間餐廳好多後生侍應冇乜禮貌都冇所謂啦。但係啲中年細女人都真係唔知係咪更年期，真係食咗成肚火。最後，食物；叫咗兩兜黃同綠咖喱（水） ，完全就係將所有嘅配料同肉烚熟完之後再直接抌落啲咖喱水到。 但係其他食物不過不失，但性價比一定大把普通泰國餐廳一定好食過佢仲要唔使受氣服務好好多環境都好好多。結論：想受氣嘅就嚟呢間餐廳啦😓🙏🏿