一芳台灣水果茶 (已結業)

有日覺得好攰，所以想食熱氣邪惡嘢，路過一芳決定買杯嘢飲減輕熱氣邪惡感，見到呢杯寒天冬瓜露，一拎上手咁多一點點白色嘅？店員解釋因為佢地用鮮檸檬露，個啲係檸檬碎。飲一啖，果然大快人心，暑氣全消（雖然中秋已過，但天氣仲係三十幾度真係好熱），一芳嘅寒天冬瓜露，檸檬同冬瓜嘅比例好好，寒天QQ，又有自身甜度好味！係我飲過最好飲嘅寒天冬瓜露，沒有之一！有日飲完飯，係屋企開完罐裝嘅冬瓜茶，飲咗兩啖，硬係覺得爭啲，所以都係忍唔住落咗街再買嚟飲😆飲一啖，啊～爽呀，就係呢種檸檬嘅清爽啦～