真味鮮廚 (已結業)

個海鮮拼盤佢畀少咗帶子我哋 初初我哋都唔知，後尾見枱枱都有係我哋嗰盤冇，先至再追佢攞返🤪蟹同帶子都鲜味， 龍躉都ok， 蝦同聖子就普通啲。刺身同鮑魚都幾好， 不過每人每款得一件 ，水餃皇都好味 ，大隻蝦。任食紙嗰啲野就普通貨色， 所謂嘅雪花肥牛 一啲雪花都冇 唔記得影 ，好肥，似腩片。 韭菜餃無韭菜味 ， 炸魚皮漏咗氣， 汽水淨係得雪碧， 一渣渣啲雪梨水，薏米水淡茂茂😓。 任食紙推介就黑毛豬 鮮蝦滑 生菜 韓國公仔麵。不過仲有好多我地都冇點，因為太飽 。嗰日冇沙白， 可能都好食嘅。埋單每人＄283 咁其實呢個價錢算好抵食 而且 可以坐幾個鐘慢慢食， 同朋友聚腳，食下傾下 好地方。 環境唔算擠迫， 距離近嘅枱會有膠板間開 。但有少少舊 ， 有啲櫈嘅面都爛咗 ，衛生都可以，職員友善 ，做嘢快手。