小麻吉滷肉飯 (已結業)

如果平時喺旺角附近想食台灣嘢，小麻吉滷肉飯係個幾好嘅選擇，餐廳牆身有特式壁畫，環境乾淨企理👍🏻同埋餐牌比較多選擇🤣大滿足定食套餐仲可以自己mix and match！另外套餐都會配有小食。黃金雞扒(加辣加$2)配肉燥麻辣擔擔湯麵🍜雞扒好厚身，咬落有肉汁，炸到脆卜卜，建議如果食得辣嘅朋友可以加錢加辣，因為個辣粉都幾正🌶️肉燥麻辣擔擔湯麵，湯底好濃郁，肉碎份量都幾多，個湯越食越辣🤣個麵好掛湯。小食本身配有小黃瓜，台灣腸，自選嗰個揀咗芋泥地瓜球。小食質素都唔錯👍🏻滷肉脆香雞翼肉燥飯🍚雞翼好大隻🤣外皮都係脆卜卜，雞翼配滷肉飯呢個配搭，應該唔會出錯！呢個小食揀咗麻辣鴨血，個麻辣汁好惹味，加少少麻辣汁撈埋個飯食都幾夾😋另外更餐加$9加咗個珍珠紅豆仙草凍🫘，如果飯後想食個甜品都幾建議可以試吓，入邊都幾多配料，珍珠亦都煮得好軟腍。餐飲嗌咗一杯烏梅汁同珍珠奶茶，烏梅汁酸酸甜甜都幾解渴。珍珠奶茶都幾不錯，唔會太甜，珍珠亦都煮得幾好🧋