泰國小吃 (已結業)

知道西貢有間雞粉要執咗一排，今日有機會入嚟就食吓懷念吓啦，首先我之前住咗廿幾年西貢，其實多數幫襯既係旁邊間滿泰，呢間可能夜晚食個雞飯，感覺生意無滿泰好。所以其實我係以為滿泰結業😅不過嚟到就緊係食埋佢，一行三人因為我要泊車，另外兩位幫手排隊先，所以過到嚟都快有位，但就等咗都好耐先有嘢食。食物呢首先講吓價錢，因為細個廿零蚊都有個雞飯，而家成六十蚊當然覺得貴，但如果同出邊啲一般海南雞飯比，真係色香味價都輸，不過西貢平時又真係無咩生意，係假日搵番啲錢，我都叫自己體諒吓佢既。最後有個阿姐送咗幾罐嘢飲比我哋，有番啲人情味。西貢食街仲有好多嘢我有感情仲未執，感恩。