東京迴轉壽司 (已結業)

家姐話食過覺得抵食，上openrice見到o的評價都幾好，所以同母親三人行一齊黎試下。入到去坐order枱，諗住落order會比bar枱既新鮮，叫左o的壽司同辣味螺肉。落完單幾分鐘內就黎左大部份既壽司啦。辣味螺肉好大碟，味道都唔錯，好抵食!不過試埋d壽司就出現問題啦…三文魚壽司係厚切，不過壽司飯一夾就散，應該係用機壓既，但又唔夠實。海膽壽司既海膽唔係太新鮮，紫菜又唔脆，唔知係唔係放o係bar枱度一段時間呢?其他壽司都係麻麻，三文魚子軍艦，紫菜又有同樣既問題…三文魚子好稔，一o的口感都冇。試左幾款壽司都係覺得麻麻，所以冇乜點叫啦，出發去食糖水。