Grom (已結業)

幾個月前去完義大利之後，就鍾意左食Gelato。味道比雪糕更勝一籌，仲健康啲啲。講返GROM就係其中一間我係義大利試過嘅gelato，味道好天然之外，仲好夠凍唔易溶。 今次就約埋朋友試下香港分店有無唔同。鋪面方面就同義大利差唔多，至於Gelato呢，香港有啲味係義大利都見唔到，例如綠茶，梨...平時我就鍾意叫檸檬味，但grom檸檬味偏酸，而我覺得grom最好食係乳酪味。 不過我今次叫左梨味。好似幾特別、平時好少見有梨味嘅gelato。 朋友就分別叫左檸檬、綠茶，乳酪味。檸檬同乳酪味都同義大利食過嘅一樣，係回egg啊！而梨味都幾出色，好清新，入面真係有梨果啲一粒粒係度，真材實料，可以一試。另外綠茶味都可以，不過因為我本來就麻麻綠茶/抹茶乜乜乜嘅嘢，所以覺得唔太大驚喜。值得一提呢度分個size同義大利唔同，有個kid size之後先係細中大，今次我就淨係叫左kid size，下次再去我會叫乳酪味！！❤️