嚐糖

營業中

休息中

今日係旺角閒逛，黎左一家位於廣華街嘅甜品鋪食下午茶。餐廳嘅主題係課室，好趣致，難怪餐廳名叫「嚐糖」。一於一齊上堂喇！廣末涼子 $50鍾意綠茶嘅就一定要叫呢個，雪糕同汁底都係綠茶味架！除咗涼粉，仲有培茶布甸粒粒同埋小丸子，口感豐富。Miss河 $44呢款甜品嘅汁底係芒果沙冰，消暑一流！以蒟蒻粉同埋椰漿造成嘅河粉既冰涼又滑溜，椰香好夾芒果味，一試難忘！台式醉雞翼 $26通常甜品鋪嘅雞翼都係滷水，呢度賣嘅係醉雞翼，誠意十足！雞翼大大隻啖啖肉，酒香味濃，作小食最好，如果凍多少少就更好。醉蛋撈麵 $25撈麵嘅份量好大，應該有一個半之多，同朋友share啱曬。醉蛋嘅糖心煮得剛剛好，係流心嘅，做配菜實在係滿足。周圍嘅佈置心思十足。係班房嘅場景食野實在令我回憶起好多陳年往事。