影片
更多
2022-09-17
281 瀏覽
太耐冇返鄉下，太掛念鄉下既美食，今日阿頭請食飯，黎左呢間專門食壽喜燒既專門店，餐廳就係銅鑼灣出口對面大廈，好方便，大約有20個座位，去之前都記得要BOOK定位。晚餐有4個SET揀，除左和牛之外，仲有黑豚同雞，但店員話因為貨源問題，暫時冇雞供應。最後當然揀左我最愛既和牛，Premium Wagyu Set。前菜三點前菜擺盤精緻，有磯煮鮑魚、安康魚肝同埋北海道白粟米，鮑魚彈牙，爽甜，而北海道白粟米非常清甜，有淡淡既粟米味。蒸物呢個茶碗蒸同平時既唔同，用左墨魚汁蒸蛋，裡面仲加左八爪魚仔同三文魚籽，將唔同既海鮮融入蒸蛋入面，口感豐富。季節野菜盛合野菜款式都幾多，有南瓜、日本紫心蘿蔔、冬菇、金菇、芋絲、皇帝菜同豆腐，全部都好新鮮，加埋壽喜燒醬汁好惹味。美國熟成牛扒、牛舌 (厚切)餐廳有一個櫃專門放熟成牛扒，要食既時侯就即刻切，好方便，肉味醇厚。牛舌爽脆，厚切食落更有口感。日本和牛西冷和牛西冷的紅肉部分入口即溶，油花的分佈也十分均勻，紋理清晰細緻，肉質細膩，極具光澤。日本和牛肉眼肉眼是靠近胸部的肋肌，肉質鮮嫩，脂肪紋多且分佈均勻，肉眼肉質嫩滑，吃起來有韌性，嚼勁較佳，牛肉味濃、質地更為柔軟。因為食
太耐冇返鄉下，太掛念鄉下既美食，今日阿頭請食飯，黎左呢間專門食壽喜燒既專門店，餐廳就係銅鑼灣出口對面大廈，好方便，大約有20個座位，去之前都記得要BOOK定位。
晚餐有4個SET揀，除左和牛之外，仲有黑豚同雞，但店員話因為貨源問題，暫時冇雞供應。最後當然揀左我最愛既和牛，Premium Wagyu Set。
前菜三點
前菜擺盤精緻，有磯煮鮑魚、安康魚肝同埋北海道白粟米，鮑魚彈牙，爽甜，而北海道白粟米非常清甜，有淡淡既粟米味。
蒸物
呢個茶碗蒸同平時既唔同，用左墨魚汁蒸蛋，裡面仲加左八爪魚仔同三文魚籽，將唔同既海鮮融入蒸蛋入面，口感豐富。
季節野菜盛合
野菜款式都幾多，有南瓜、日本紫心蘿蔔、冬菇、金菇、芋絲、皇帝菜同豆腐，全部都好新鮮，加埋壽喜燒醬汁好惹味。
美國熟成牛扒、牛舌 (厚切)
餐廳有一個櫃專門放熟成牛扒，要食既時侯就即刻切，好方便，肉味醇厚。牛舌爽脆，厚切食落更有口感。
日本和牛西冷
和牛西冷的紅肉部分入口即溶，油花的分佈也十分均勻，紋理清晰細緻，肉質細膩，極具光澤。
日本和牛肉眼
肉眼是靠近胸部的肋肌，肉質鮮嫩，脂肪紋多且分佈均勻，肉眼肉質嫩滑，吃起來有韌性，嚼勁較佳，牛肉味濃、質地更為柔軟。因為食落較膩，所以配左一個白飯，可以消除油膩感。
烏冬/御飯
可以選烏冬或飯，烏冬亦係用壽喜燒醬汁煮過，好入味。
舞茸菇清湯
湯既顏色好似清到水咁，但飲落非常清甜。
甜品
甜品係櫻花水信玄餅同埋柚子雪糕，櫻花味既水信玄餅味道唔太濃，又唔會太甜，感覺清新，而柚子雪糕就好適合夏天食。
張貼
