影片
更多
2021-03-29
45 瀏覽
店舖裝修幾靚，入到去真係有啲去左台灣小店既感覺。我地叫左個「豪豪」吃二人套餐，係朗豪坊限定既。有一個麵、兩個台式小食、兩杯手搖飲品。如果無揀要加錢既野，只係$198就食到以上既野。🔹王子麵麵食我地揀左王子麵，因為香港好似比較少食到。不過食落其實有啲似平時香港食開既公仔麵，但係碗麵就真好多餸，包括菜、魚蛋等，仲有一啲我都唔知係咩黎。佢依碗唔係湯麵，有小小似加左醬汁既撈麵咁，好食過平時食開既湯公仔麵，而且份量都好大碗。🔸滷肉飯(小)依碗滷肉飯雖然係小，但係份量都好多，而且啲滷肉都好多，足夠撈到成碗飯。佢啲冬菇比平時食開果啲滷肉飯切得大粒啲，反而食落口感好好。啲滷肉調味調得好好，撈飯食好開胃。🔹爆漿蔥蛋抓餅 (花生醬火腿)依個蛋餅一黎到已經哇一聲！入面啲花生醬真係爆醬，好邪惡！但係依個真係好好食！原本仲驚會怪怪地，點知成個組合好夾。依個就算唔係跟餐都一定要散叫試下。🔸冬瓜茶 (+$3) 峰蜜荔枝紅茶 (+$8)冬瓜茶唔會太甜，反而食完岩岩啲野食有啲漏既時候飲，覺得好消滯。而峰蜜荔枝紅茶就有小小甜，建議小甜會好飲啲。整體黎講好滿意，所以野食都係熱辣辣。而且依個餐我地兩個人食都有啲食唔曬，所以份
我地叫左個「豪豪」吃二人套餐，係朗豪坊限定既。有一個麵、兩個台式小食、兩杯手搖飲品。如果無揀要加錢既野，只係$198就食到以上既野。
🔹王子麵
麵食我地揀左王子麵，因為香港好似比較少食到。不過食落其實有啲似平時香港食開既公仔麵，但係碗麵就真好多餸，包括菜、魚蛋等，仲有一啲我都唔知係咩黎。佢依碗唔係湯麵，有小小似加左醬汁既撈麵咁，好食過平時食開既湯公仔麵，而且份量都好大碗。
王子麵
7 瀏覽
0 讚好
0 留言
🔸滷肉飯(小)
依碗滷肉飯雖然係小，但係份量都好多，而且啲滷肉都好多，足夠撈到成碗飯。佢啲冬菇比平時食開果啲滷肉飯切得大粒啲，反而食落口感好好。啲滷肉調味調得好好，撈飯食好開胃。
滷肉飯
11 瀏覽
0 讚好
0 留言
🔹爆漿蔥蛋抓餅 (花生醬火腿)
依個蛋餅一黎到已經哇一聲！入面啲花生醬真係爆醬，好邪惡！但係依個真係好好食！原本仲驚會怪怪地，點知成個組合好夾。依個就算唔係跟餐都一定要散叫試下。
🔸冬瓜茶 (+$3) 峰蜜荔枝紅茶 (+$8)
冬瓜茶唔會太甜，反而食完岩岩啲野食有啲漏既時候飲，覺得好消滯。而峰蜜荔枝紅茶就有小小甜，建議小甜會好飲啲。
7 瀏覽
0 讚好
0 留言
整體黎講好滿意，所以野食都係熱辣辣。而且依個餐我地兩個人食都有啲食唔曬，所以份量係好足夠，除番開都係$100左右一位。
張貼
