Garrett Popcorn (太古城中心) (已結業)

零食當中我最鍾意食薯片, 買薯片返屋企我係好有信心可以食得曬。爆谷我都鍾意, 但就怕會嘥左食唔曬。咁啱前排屋企人提議去野餐, 呢個實在係一個好機會買自己少買但又想食既零食。於是我就上網睇下有咩可以帶去, 比我睇到有個牌子既爆谷好受歡迎, 唸住跟住評價去買唔會錯得去邊。但係......唔好味喎, 唔脆又唔夠味。因為咁, 令我唸起幾年前曾經食過一款味道不錯, 係又一城買既爆谷, 即刻上網CHECK下, 原來Garrett係比較方便我地既太古城都有分店。我地買左焦糖脆脆medium size。未食淨係睇佢既顏色就知道真材實料, 焦糖滿滿而平均咁包覆住每一粒爆谷。食落脆口又充滿香甜焦糖味道。誠意推介比覺得網上有售, 預先包裝好既爆谷已經好好味既朋友試下Garrett Popcorn, 食過就會知道分別, Garrett Popcorn真係好味太多。