影片
更多
2020-10-20
380 瀏覽
隔咗一段時間無北上食酸菜魚，有啲掛住陣味道，所以就搵咗呢間酸菜魚嚟試下。無訂枱早段WALK-IN有位，招呼嘅兩位侍應姐姐同一位黑框眼鏡哥哥態度都超級大改善空間。睇餐牌主打酸菜魚，可以加配其他料入去，有涼菜炒菜可點，無套餐架記住，而且正常都唔會話入嚟食廣東小炒啦係咪？叫咗一客二人份量酸菜魚加配金菇及豆腐、棒棒雞。清炒窩筍絲及單點白飯。期待個小辣酸菜魚，送到上枱係無失望! 辣椒、花椒及酸菜相伴，聞到嘅酸辣香氣，已經按捺不住! 湯底依然有魚湯味，不過始終會用好多油，幾啖OK架啦，唔會太嗆! 無加配酸菜份量都好足夠，部份味浸淡咗入湯，並無太酸或太咸味，入口啱啱好。魚片厚薄大小均一，入口無骨輕嚼肉片，滑溜溜~~ 魚片本身無味，沾滿晒湯底及油份取味。雖然話係小辣，但其實係無乜辣味，所以不食辣嘅朋友，都可以試下，無辣就始終無埋個麻味。二人份量舀下舀下啲魚片其實都好多。加配咗金菇同豆腐又係好足份，唔係得兩抽或者兩片，數數下應該都有成8片豆腐。好在叫咗個飯都打埋個底亦都中和返，如果唔係成個胃都係油份會好滯。好米線嘅朋友不妨試下淨叫米線，可能又會唔同風味。棒棒雞其實係辣雞腳，份量約莫一個手掌咁多。嗰層辣油
睇餐牌主打酸菜魚，可以加配其他料入去，有涼菜炒菜可點，無套餐架記住，而且正常都唔會話入嚟食廣東小炒啦係咪？叫咗一客二人份量酸菜魚加配金菇及豆腐、棒棒雞。清炒窩筍絲及單點白飯。
期待個小辣酸菜魚，送到上枱係無失望! 辣椒、花椒及酸菜相伴，聞到嘅酸辣香氣，已經按捺不住! 湯底依然有魚湯味，不過始終會用好多油，幾啖OK架啦，唔會太嗆! 無加配酸菜份量都好足夠，部份味浸淡咗入湯，並無太酸或太咸味，入口啱啱好。魚片厚薄大小均一，入口無骨輕嚼肉片，滑溜溜~~ 魚片本身無味，沾滿晒湯底及油份取味。雖然話係小辣，但其實係無乜辣味，所以不食辣嘅朋友，都可以試下，無辣就始終無埋個麻味。二人份量舀下舀下啲魚片其實都好多。加配咗金菇同豆腐又係好足份，唔係得兩抽或者兩片，數數下應該都有成8片豆腐。好在叫咗個飯都打埋個底亦都中和返，如果唔係成個胃都係油份會好滯。好米線嘅朋友不妨試下淨叫米線，可能又會唔同風味。
棒棒雞其實係辣雞腳，份量約莫一個手掌咁多。嗰層辣油本身又係會嚇親，但實際上係小小辣架咋，偏好勁辣朋友可能要加辣，完全唔食得辣嘅朋友就唔使諗呢碟小食。雞腳爽口彈牙，都醃到入晒味，開胃前菜一流啊!
至於個清炒窩筍絲，份量有啲比預期多啲，落多油炒，類近返北方口味。窩筍絲爽淡甜味清新，並無濃濃咸味扮鮮味炒。
整體嚟講，有改良到配合少少香港人口味，始終未必個個咁食到油同辣。下次可以試埋個甜品。記得飲埋個麥茶(?)解油膩去辣，而且係要暖暖地飲先好味。
張貼
