影片
更多
2018-10-31
53 瀏覽
早前朋友由澳洲旅行返到香港,於是約出來一齊食飯。朋友選擇係尖沙咀嘅八哥主題餐廳，喺The One附近，著名嘅龍X大藥房對面。上一層樓梯就見到已經有八哥嘅身影，好得意。 叫左幾樣食物: 黑松露薯條，德國香腸拼盤、卡邦尼意粉配溫泉蛋，八哥朱古力慕絲配美國芝士蛋糕 就連餐牌都有八哥圖案 喺等緊食物嚟嘅時候都有留意到餐廳嘅環境，我哋去嗰陣仲有1個星期左右就到萬聖節，見到餐廳都有唔同嘅裝飾去配合到萬聖節嘅主題。最令我留意嘅係餐廳嘅背景版上有粉筆畫成嘅萬聖節主題八哥，真係好得意！嗰陣都見到有唔少客人會專登走埋去影相。 講返食物先:1. 卡邦尼意粉配溫泉蛋賣相幾好!溫泉蛋煮到剛剛好,唔會煮到熟得濟,切落去有流心效果。意粉醬汁份量都剛剛好，唔會太多好似食湯意粉，亦唔會太少好似食緊撈意粉咁。意粉用上扁意粉，我同朋友都喜歡食淋身少少意粉，對於我地嚟講，就有少少硬身，如果意粉本身可以煮番淋身少少就好了。成個意粉整體都係唔錯。 2. 黑松露薯條原本以為係配上黑松露蛋黃醬，但原來係配上黑松露碎，有茄汁可以點。但我覺得香脆嘅薯條就算唔點茄汁都好好食，完全食唔停口! 3. 德國香腸拼盤可能見我地不停相機食先，侍應
叫左幾樣食物: 黑松露薯條，德國香腸拼盤、卡邦尼意粉配溫泉蛋，八哥朱古力慕絲配美國芝士蛋糕
就連餐牌都有八哥圖案
喺等緊食物嚟嘅時候都有留意到餐廳嘅環境，我哋去嗰陣仲有1個星期左右就到萬聖節，見到餐廳都有唔同嘅裝飾去配合到萬聖節嘅主題。最令我留意嘅係餐廳嘅背景版上有粉筆畫成嘅萬聖節主題八哥，真係好得意！嗰陣都見到有唔少客人會專登走埋去影相。
講返食物先:
1. 卡邦尼意粉配溫泉蛋
賣相幾好!溫泉蛋煮到剛剛好,唔會煮到熟得濟,切落去有流心效果。意粉醬汁份量都剛剛好，唔會太多好似食湯意粉，亦唔會太少好似食緊撈意粉咁。意粉用上扁意粉，我同朋友都喜歡食淋身少少意粉，對於我地嚟講，就有少少硬身，如果意粉本身可以煮番淋身少少就好了。成個意粉整體都係唔錯。
2. 黑松露薯條
原本以為係配上黑松露蛋黃醬，但原來係配上黑松露碎，有茄汁可以點。但我覺得香脆嘅薯條就算唔點茄汁都好好食，完全食唔停口!
3. 德國香腸拼盤
可能見我地不停相機食先，侍應都會問我地想我地自己淋醬汁定佢幫我地淋
香腸有6條，全部都係好Juicy 好彩我同朋友都肚餓，如果唔係有機會食唔哂就浪費。其中一一條香腸應該有羊肉成份，朋友食左一啖就無食到（朋友唔食羊的）
如果可以喺餐牌上有寫明有咩成份就會好d。
4. 八哥朱古力慕絲配美國芝士蛋糕
終於到重頭戲，八哥朱古力慕絲配上美國芝士蛋糕！雖然都知道係用模具做，但係真心讚！做得好細緻，要切落去食個下真係唔捨得，不過最後都係俾我地食左
我地本身以為慕絲好似慕絲蛋糕個d咁好快易入口 ，仲諗住咁快就食完真係可惜，但原來雪到好硬，咁樣俾食客就有多d時間同呢個甜品影相。
服務都幾好,侍應都有留意客人需要，例如都有周不時都會有加水，有禮貌。
總括來說，整體都唔錯,可以下次再去!
張貼
