一豚豬手專門店 (永德大廈) (已結業)

由一豚銅鑼灣店開張開始已經幫襯過好多次，介紹左好多朋友仔食佢既韓式豬手; 不過基本上除左豬手好食外，試過好多其他韓式泰式小食都麻麻地。7月7號晚買左雞脾同豆腐返屋企，打開包裝想食時發現舊豆腐上面有兩條毛髮，真係好嘔心，即刻無晒胃口。本身只係諗住買雞脾, 但俾錢時有位員工係廚房拎住盆豆腐出黎, 大大聲話係新鮮出, 所以臨時先買多一舊豆腐。如果真係如果位員工所講新鮮出黎, 咁快就有兩條毛係上面...真係好令人質疑工場或店內衛生情況。事後亦已whatsapp俾一豚投訴, 佢地已道歉亦都Offer返免費一隻雞脾俾我下次去領取, 但真係無下次。