Second Draft (已搬遷) 新店位置

與朋友相約去傾心事 今次去左佢屋企付近既一間有得食野既酒吧 餐廳位於一個街角 環境都幾寬敞 可惜已經差唔多坐滿 所以我地只好坐 bar 枱 依度好似係出名手工啤酒 似乎係有好多唔同既味道 可惜朋友唔鐘意飲啤酒 所以我地嗌左支紅酒兩人慢慢品嚐 首先我地嗌左個 beetroot & avocado 既前菜 入面係有 紅菜頭 牛油果 鎮江醋 乳酪 同合桃 既配搭 用料都幾新鮮 由於我都幾鐘意食 avocado 所以前菜唔錯之後我地嗌左個 octopus & pork belly係用南乳既醬 配八爪魚同大大舊豬腩肉 再加上好多葱花 個配搭係幾特別 不過味道就見人見緻了總括黎講依度係傾計食野既好地方 下次再黎會試佢 d 手工啤 同埋其他小食