皇后飯店 (已結業)

午餐包左一杯茶／咖啡，餐包，湯，主食。羅宋湯味度香濃，夠酸，好多野菜，啲菜都煲到林晒，好正。忌廉湯就一般般，太香港style，忌廉味唔重，有啲淡。紅酒燴牛尾（$150）🐮牛尾炆得好腍，用叉吉開骨肉分離，牛肉味重。紅酒汁酸酸地，好開胃，好多汁，下次再食會跟飯，送飯💯。薯條炸到熱辣辣脆卜卜，可以點紅酒汁當茄汁。蒜蓉新西蘭西冷牛扒西冷牛扒（$175）🥩牛扒唔肥但係唔鞋，似落左少少鬆肉粉，不過食落都唔差。