胡爐 (已結業)

wulu 同朋友都一段時間無見喇，要見梗係去打個邊爐啦🤣一齊坐喺邊爐前面烚吓烚吓，一邊食一邊傾😚打邊爐又點少得呢間胡爐🧡望一望個餐牌其實都唔平㗎，但係食落肚係值得㗎🤣。🥘湯底方面就叫咗鮮椰青雞鍋🥥店員會先幫你將雞件係個電磁爐上面炒香，跟住就會淋上酒，然後重頭戲就嚟啦，會點火，衝擊左個視覺效果，呢個做法仲可以癖除雞嘅腥味同埋鎖住雞嘅肉汁😚跟住再加上鮮甜嘅椰青水，湯滾左之後記得試飲啖先，然後先至落料打邊爐🌟。🥩手切安格斯肥牛賣相滿分，牛味鮮甜，肥瘦均勻，厚薄適中，肉感鮮嫩，同個價錢成正比🌟🧡。🦪廣島蠔廣島號淥幾分鐘，鮮甜😝。🥟XO鮑魚蝦餃王淡淡鮑魚同蝦肉，私心推薦💛💛。🥟黑松露蟹肉餃嫌黑松露味唔夠，可以話係無黑松露味，失望😞。🧆皇帝柱貝墨魚丸淡淡柱貝，墨魚丸爽口彈牙🤣。🧆黑松露芝心牛丸對於鍾意食黑松露嘅朋友嚟講，會有啲失望，但係牛丸有肉汁，過得去啦🤔。🦆鴨血鴨血爽口嫩滑，個個都爭住食🌟。🍜稻庭烏冬一開二，等你續啲續啲落🤣。🥬皇帝菜食咗咁多蛋白質同脂肪，梗係要叫返啲青菜嚟中和下，打邊爐一定係食皇帝菜，無得輸。🍋青檸梳打青檸味唔夠，梳打水冰太多，無哂梳打味，失望😞。