入麵 (已結業)

【份量超大ENCORE無數次自由配搭撈麵💛】呢間小店喺石門好耐，平時一諗唔到食咩，就會去食佢㗎喇😆我應該食咗10幾次😂佢質素都仲係KEEP到👍🏻抵食又好食LET’S GOOOO😎.🍴回味醬骨架配麻香撈麵呢款係佢推介，麻香味真係好似麻醬，麵嘅硬度適中😆醬骨架有3大舊🥳要拆骨咁食，啲肉一啲都唔嚡，好腍，又入味👍🏻仲好多肉，唔係剩係得骨😛仲有半隻糖心蛋、青瓜蕃茄仔添🍅.🍴蒙古風沙豚肉配口水汁撈麵口水汁麵係唔辣😜甜甜地好惹味😋豬肉燒得好淋，上面仲有蒙古汁(應該係炸蒜粒同辣椒粒）🫙呢種口感我勁中意😆唔食得辣嘅人都可以試吓呢個口水汁麵🍜.🍴鹽酥雞球豬骨濃湯麵 呢款亦都係推介，豬骨濃湯麵小辣都幾辣，係麻辣味🌶炸雞炸得酥脆，偏乾身，雞肉都嫩滑🍗.🔖有午市套餐同下午茶餐，包咗一杯台式飲品，更加抵食🈹.🔖食物選擇好多，可以自由配搭肉類種類同醬汁，然後再揀自己想食嘅麵款😋.⏰晏晝LUNCH HOUR時間可能要排下隊.💡叫醬骨架嘅時候店員會比手套你，唔使怕整污糟隻手👍🏻.💡都多人叫外賣😆-推介指數：💎💎💎💎💎性價比：✨✨✨✨✨Encore指數：💛💛💛💛💛(真心食咗勁多次😍)-