漢堡佬 (已搬遷) 新店位置

之前食過呢間漢堡佬嘅牛肉漢堡，好好食，所以今日特意再去幫襯。發現餐廳漢堡選擇又多咗好多，而家仲做埋意粉添😂 嗌咗個菠蘿脆蝦漢堡同三重芝士牛肉流心蛋漢堡外賣，比我同細佬食。菠蘿脆蝦漢堡既菠蘿有煎過，特別多汁，食落酸酸甜甜好開胃。滿滿蝦肉既炸蝦扒都好新鮮，漢堡配搭新奇又好好食！ 細佬食我推薦佢嘅牛肉漢堡都好滿足，份量又大，牛肉超多汁好香肉味，加埋三種口感濃郁嘅芝士同流心蛋，佢食到讚不絕口😂都話冇推介錯啦！餐廳可以一直保持咁高水準，仲成日出新口味，抵我寫好評比佢！