喜來稀肉 (已結業)

喜來稀肉一向都有水準！以前成日都要去韓國街等好耐先有得食，但原來而家響亞士厘道已經有分店， 閒日人流不算多， 好快就可以坐下。 我哋兩個人食，兩個都比較喜歡食牛，見到呢個一頭牛好似幾特別，唔同部位都有，貪心嘅我哋就選擇左呢一份韓牛拼盤一頭牛。分量十分之多，有喜來烤肉，牛五花肉，頂級牛頸，牛肋骨肉同埋調味牛排骨，兩個人有少少擔心吃不消。牛肉十分新鮮而且脂肪分布均勻！好似朵花咁捲着嘅係招牌喜來烤肉，沒有特別醃製，十分之新鮮！但個人最喜歡會係調味牛排骨同埋牛肋骨肉，充滿牛肉香，又香又淋！醃得好入味！牛五花肉脂肪分布均勻，入口很多肉汁！ 值得一快提係呢度送嘅泡菜十分不錯！不太咸，超級爽又多汁！能充分減低燒肉嘅油膩感！怕食得太多肉，另外叫咗一個豆腐泡菜海鮮湯，材料十分豐富！豆腐好滑，湯入面有魷魚，硯，金菇等配菜！令人越食越開胃！旁邊嘅蛋係可以免費添加！有泡菜蛋同埋芝士蛋！中間燒緊嘅係豬護心肉，護心肉係豬橫膈膜同埋豬肝中間嘅肉，好彈牙但不韌！呢度食物水準有保證！又不用排咁耐等位！以後可以轉戰呢一間了！