Outback Steakhouse (形點 I)

營業中

休息中

一行4人+1bb 去Yoho mall outback 食午餐。朋友訂左位，所以去到就可以入座。環境算是闊落，不過，個別侍應對於有bb車的反應，俾我感覺麻麻，我問佢擺邊度較適合，佢只叫我自己擺埋一邊。叫左4個餐，美國牛柳扒、烤美國帶子白汁燴飯、燒肉醬味烤雞、燒豬扒。一開始當然是要食店內極正的黑糖包，話說連我的營養師都叫我食其他野之前，食條黑糖包先，味道保持水準，正。我哋於是再食多兩條，可以不斷添加（雖然唔會）的感覺真係唔錯。餐湯就一般，跟餐既沙律麻麻，唔知是蔬菜唔夠新鮮定沙律醬問題，感覺唔好。主餐方面是保持到水準的，牛柳扒熟成度不錯，有肉汁；帶子燴飯都好香、味道濃郁；烤雞就略為偏乾左少少；豬扒反而唔錯，保持到肉汁。埋單$640.2，每人$160。