茶木‧台式休閒餐廳 (已結業)

年前嚟過茶木，食佢嘅鹽酥雞排同肉燥飯食得津津有味此後台式餐廳過江龍越開越多，小妹都有去趁吓墟，今次【又回到最初的起點】，比較一下~最先嚟到係凍飲 "teawood wishing tree",名字動聽其實不外如是就是綠茶雪糕配紅豆冰啦～另加少許甜甜士多啤梨汁調味，不錯喝。。同埋我幾鐘意朱古力蛋卷配一細塊oreo再加大大啖綠茶雪糕吞落去嘅口感，超滿足!不過綠茶雪糕稍嫌太過杰，綠茶味亦偏淡，綠茶控應該會失望。嗜吃雞翼嘅我今次唔嗌雞扒。呢個麵整體ok, 雞翼入味，湯汁香濃，麵條粗身彈牙爽口，份量亦夠飽。甜品不得不叫招牌菜厚多士啦！對我嚟講士多啤梨味始終係皇道，雪糕creamy配合底下粒粒酥脆甘香嘅蜜糖厚多士，真係冇得輸~ 儘管隔離街dazzling cafe都有類似菜式，都冇被比下去 (dazzling嗰款多啲吉士醬，呢度就有細細粒棉花糖) 重點係，呢度平廿蚊