一風堂 (新港中心) (已結業)

呢家好多拉麵店都大排長龍，新開又唔敢試，都驚伏伏地，所以如果想食拉麵，都會去食保持水準及地方較大嘅一風堂。特製赤丸新味 $88湯底好濃，配埋秘製辣醬食又有另一種風味。叉燒就普普通通，如果唐心蛋有用醬油醃製過會更好食呢！黃金蜆貝醬油拉麵 $88呢款拉麵係新產品，試下新野先。湯底比較清，蜆味比較淡。蜆貝普通，好細粒而且唔太鮮甜，想清清地都可以試下。一風堂謹製薯仔沙律 $38成個package 都好有心思，係好有趣，但一放入口就覺得好伏呀！冇味架，薯仔本身唔甜，裡面既粟米粒都唔甜，沙律醬都唔夠。所以...我唔知點解要食，除非好鐘意殿粉質啦😂