沙嗲王 (已結業)

差唔多十年無去過我讀書嗰陣嘅食堂-沙爹王。記得以前星期六,日同啲同學仔出街嗰陣,諗都唔駛諗就去呢度食晚飯,點解?平靚正囉!就係咁簡單！今次去到,餐牌都無咩大轉變,可能之前每次去到都係叫呢樣-白咖哩豚肉飯!當飯一上枱,以前嘅回憶即刻出番哂嚟,試下味道有無變左先。進化左,味道比以前仲正,豚肉比以前更加爽口,白咖喱汁依然保持水準,好開胃,份量又足,淨係叫呢個order已經夠飽飽,仲有飲品全部半價,價錢好合理,正!