影片
更多
2018-06-12
121 瀏覽
之前尖沙咀既沙嗲王執咗，佢開番就梗係要幫襯啦，佢呢間餐廳既地理位置確實係無咁接近旺區 但佢內裡既環境同裝潢都比之前既舖位闊落同華麗，光猛啲係精神啲既！啊，呢排興Monster Hunter，都幾識搞gimmick喎！雖則如此，我都係無order佢呢啲有theme既野食同飲品。一坐低，侍應要求我同朋友坐係路中心既二人座，但我地都想坐卡位，於是就問下可唔可以坐旁邊既卡位，誰不知某侍應話已經執咗位，回答說：唔得。但當我地坐低咗係另一邊無幾耐，就見到有兩個人坐咗係我地target既卡位，心諗.....公正少少，評論返食物方面，我地兩個女子都食咗頗豐富既一餐，嗌咗唔少野食，兩個飯一個薄餅一個小食，等我逐一分享1. 白咖哩豬扒飯黎到沙嗲王，呢個飯係少不得！香炸豬排香茅既白咖哩汁，白咖哩辣味細緻易入口，肉質嫩滑多汁，多肉香口，加入蔥粒同蒜粒後，更令口感豐富！而且，佢地選擇既米飯係珍珠米，米飯分明2. 秘製咖哩薄餅佢既薄餅層次豐富，雖然跟白咖哩飯既汁相若，好似多餘地order多咗咁，但佢除咗配咖哩汁，實在別無他選，或許建議少食既吃貨少叫一個飯。兩大塊既薄餅，一人一塊食落既份量都可以當係一個飯。3. 越
之前尖沙咀既沙嗲王執咗，佢開番就梗係要幫襯啦，佢呢間餐廳既地理位置確實係無咁接近旺區 但佢內裡既環境同裝潢都比之前既舖位闊落同華麗，光猛啲係精神啲既！
啊，呢排興Monster Hunter，都幾識搞gimmick喎！雖則如此，我都係無order佢呢啲有theme既野食同飲品。
一坐低，侍應要求我同朋友坐係路中心既二人座，但我地都想坐卡位，於是就問下可唔可以坐旁邊既卡位，誰不知某侍應話已經執咗位，回答說：唔得。但當我地坐低咗係另一邊無幾耐，就見到有兩個人坐咗係我地target既卡位，心諗.....
公正少少，評論返食物方面，我地兩個女子都食咗頗豐富既一餐，嗌咗唔少野食，兩個飯一個薄餅一個小食，等我逐一分享
1. 白咖哩豬扒飯
黎到沙嗲王，呢個飯係少不得！香炸豬排香茅既白咖哩汁，白咖哩辣味細緻易入口，肉質嫩滑多汁，多肉香口，加入蔥粒同蒜粒後，更令口感豐富！而且，佢地選擇既米飯係珍珠米，米飯分明
2. 秘製咖哩薄餅
佢既薄餅層次豐富，雖然跟白咖哩飯既汁相若，好似多餘地order多咗咁，但佢除咗配咖哩汁，實在別無他選，或許建議少食既吃貨少叫一個飯。兩大塊既薄餅，一人一塊食落既份量都可以當係一個飯。
3. 越南豬肉粉卷
佢有四件 / 八件選擇。有一個酸酸地既配汁，有啲似撈濛既汁，主要都係醋加少少蒜及辣椒調配而成，與粉卷配合得很好。佢粉皮很有咬口，很有口感。最為欣賞既係佢醃過既蔥，好似食薑蔥咁香口惹味，加上些少既肉鬆，味道真係好豐富
3. 日式蟹粉豆腐鍋配飯
好香蟹膏蟹黃味，好好好好味！一上枱，由於用石鍋既關係，啲汁仲係「滾」既，送飯真係一流！每一啖都暖粒粒，食到好滿足。豆腐既量都好多（多到食唔晒），一樣清淡既食材搭上一絲絲既蟹肉同充滿蟹黃味道既汁，味道同口感都令人喜出望外 令人難忘！
總括而言，新店既沙嗲王依舊能保持食物水準
張貼
