喜來稀肉 (已結業)

今日為咗獎勵Miyuu返學都算乖，就嚟咗呢間爸爸最鍾意嘅韓式燒肉。佢哋安排咗個卡位俾我哋，可以有空間俾Miyuu係沙發走來走去👍🏻我哋嗌左最愛嘅蟹籽紫菜飯團🍙比Miyuu，佢一嚟到嘅時候仲以為上錯左，原來個紫菜飯團係要自己帶手套整🙈啲蟹籽撈埋啲紫菜好有口感好好味😋Miyuu自己都食咗兩個飯團。而大人當然係食韓牛啦，我哋嗌左個招牌喜來烤肉同牛頸肉。肉質保持水準，同牛頸肉就唔係度度都有得食，用生菜加埋韓式麵豉醬食一啲都唔油膩仲有佢哋嗰d前菜仲有泡菜蛋同芝士蛋可以無限添加，我哋最終啲蛋加咗三次😆。爸爸仲叫咗支真路一路飲一路食燒肉🍶，正😄最後埋單嘅時候原來仲有每人一條韓式薯條免費🥰🥰Miyuu 係咁話好味，食完一條仲話唔夠🤣#foodie #食好西 #喜來稀肉 #韓燒 #燒肉 #旺角