馬泰 (已結業)

去完新都城睇戲，特登過黎東港城搵食。向來都鍾意食泰國野，貪佢夠惹味，不過今日人少少，只可以叫個青咖喱魚配印度薄餅，同麻醬海哲野菜沙律。首先上台既係沙律，平時食開柚子既，今日轉新野，有驚喜！麻醬香口唔在講，最鍾意係佢夾雜左既雞絲，好滑，唔會成陣雪味，OK喎！好快就俾我地KO左。至於青咖喱魚配印度薄餅亦唔錯。平時食開咖喱都係豬或牛，好少叫魚，因為怕腥。不過佢地既魚塊係炸過既，出面脆裡面滑，亦冇豬同牛咁滯。另一樣要讚既係薄餅，試過有D地方，上完薄餅隔成15分鐘先再上咖喱，等到有咖喱時件薄餅都LUM晒LU！呢度就好細心，一齊上，抵讚。