深夜食堂 (已結業)

出尖咀shopping, 朋友建議往深夜食堂吹水兼食醫肚。一上去必叫最愛芝蔴雞翼，一試仍香脆可口，內有肉汁，好食，必食！再試其龍蝦沙律，係真的有啖啖龍蝦肉，雖很不錯，但分量太少，價錢真有點貴！芥辣墨魚則同一般日式餐廳提供的相若，普通啦！最後試左牛肉鹅肝黑松露飯，有點驚喜。其實本人甚抗拒鵝肝之肥膩，但朋友堅持要食。一試竟然比想像中好吃，配上黑松露之香味，不知不覺和朋友吃掉了整個飯，忘記了拍照。坦白講，如此價格的鵝肝和松露都沒期望有多大分量啦，但味道是個bonus。整體食物都保持水準，臨走搭才留意改左名，不過都同以前沒分別，可以再來！