風味堂 (已結業)

大約九個月前幫襯過，今晚再幫襯，今次點嘅嘢食串燒比較多，其實都好味嘅；今日唯一美中不足嘅就係個海鮮煲等咗45分鐘 （點解咁耐呢）😅 介紹吓： 日式餃子，好味夠大隻。今日我嘅至愛芝士燒玉子，非常好味！跟住海鮮粉絲煲（有聖子同埋個花甲再追加娃娃菜）不過有啲貴呢追加娃娃菜$28得幾條 🤣 川燒牛柳稍為辣咗少少。牛舌腩係店家推介，果然好味！羊肉串好食一啲都唔酥。雞泡魚乾我至愛之一，有少少燶啊。虎皮尖椒真係超級辣。最後呢個日本一口番薯真係好似手指公咁大粒 😝 可以唔使點呢一樣 😂 哈哈不過都係好食嘅，會再幫襯！ 服務好好 👍