春水堂 (東港城) (已結業)

記得好耐之前去台灣旅行已經有飲開「春水堂」，呢間嘅茶味香濃，一直都係好鍾意飲！啱啱約咗朋友去東港城見面想搵個地方坐下，就見到春水堂啦，2話不說即刻衝入去啦！由於下午茶，大家都已經有啲飽，所以只點咗2杯珍珠奶茶同一個細碗嘅魯肉飯！珍珠奶茶🧋+胚芽去咁多次台灣都係必飲，每次我都一定要加胚芽，估唔到香港仲正，竟然係獨立上俾我哋嘅，唔港擔心啲胚芽（淋）哂！茶味依舊，珍珠真係好彈牙，唔會淋哂，台灣風味番哂黎！魯肉飯🍚唔好睇佢細細碗，我哋都食唔哂，上面仲加咗少少肉鬆，食入口好有層次感！如果有去開東港城嘅朋友，真係不仿試試，而且環境舒服，好啱三五知己傾計。仲有，真係可以有番台灣獨特風味之「人文茶館」！