鹿鳴春飯店 (已結業)

一行五人到達位於閣樓嘅鹿鳴春，已經一點幾但係餐廳內仲係人山人海。侍應話點心十二點左右經已售罄，連最後一隻馳名燒雞都比人捷足先登，唉。。。好失望，好彩部長醒目，見倒我哋個樣好沮喪，即刻過嚟告知點心雖然唔再推出嚟賣但係可以即叫即做。 素鵝 (Grade: 3/5)富層次感嘅腐皮，包住紅蘿蔔條、冬菇等嘅餡料，非常美味，如果可以加多D冬菇仲會更好。 螞蟻上樹 (Grade: 4.5/5)滑蛋炒得恰度好處，香氣四溢嘅生抽味，好香口，再配合木耳、肉絲、小白菜等材料，將一道本來好普通嘅菜式，變得好吸引。 醬爆雞丁 (Grade: 4/5)呢道醬爆雞丁，跟其他川菜館嘅唔同，味道雖然濃但係唔會一味靠辣，加上走過油所以特別香脆，正！ 三絲煨麵 (Grade: 3.5/5)三絲係雞絲、海參絲同火腿絲，麵條口感都幾彈牙，有D似幼細版嘅烏冬。 小籠包 (Grade: 2.5/5)小籠包嘅皮唔夠薄，湯唔夠濃又唔夠多，比起正宗上海舖如金滿庭嘅始終有D距離。差不多一年多未有嚟幫襯，想唔到依然無令大家失望。水準得以保持，相信係一班老主僱通力合作，難怪餐廳多年來經得起考驗，仍然係城中少見紇立不倒嘅老店。