影片
更多
2024-04-25
2797 瀏覽
難得約齊舊朋友，一行15人黎到「歡樂大排擋」歡眾一下晚餐 預早book定枱點菜食好西! 朋友食過話呢間餐廳食物質都係超哂班! 餐廳安排咗房，我地咁多人都坐得好舒服!為咗呢餐我lunch都冇食，留定肚黎大吃大喝呀! 叫咗16道菜，每道菜都係超水準，由於太好食，掛住傾計食下停下，一路食d菜一路上，唔係每款都影得切相，只能揀幾張相同大家分享一下!先黎上陳皮燒鵝王 – 燒鵝肉質好鮮嫩保留到皮脆肉juicy，而且真係食到淡淡陳皮香味，基本上唔需要點太多汁，係我食過最好食燒鵝! 回味安格斯牛柳粒 – 牛味香濃，熟成度岩岩好，呢個菜絕對唔會令人失望。古法雞煲翅 – 呢道簡直係成餐飯精髓!!! 成碗金黃色嘅雞煲翅，遠遠見到已經流哂口水，飲第一啖真係有條龍飛出黎，超級足料，成碗湯係好香好濃，翅夠粗身，大啖大啖翅食落口，好食到癲!懷舊蝦多士 – 呢款懷舊蝦多士已經愈黎愈少餐廳見到，岩岩炸起脆口熱辣辣嘅多士配上大大隻蝦喺面，呢個香脆誘惑程度係即使你知道好熱，但都係忍唔住要即食入口!脆皮炸大腸，潮洲普寧脆豆腐，椒鹽炸粟米，瑤柱蛋白飯……全部都實在唔駛多講，一個字 - 「正」!油鹽水浸蜆 – 聽個名咁簡單食落
預早book定枱點菜食好西! 朋友食過話呢間餐廳食物質都係超哂班! 餐廳安排咗房，我地咁多人都坐得好舒服!
為咗呢餐我lunch都冇食，留定肚黎大吃大喝呀! 叫咗16道菜，每道菜都係超水準，由於太好食，掛住傾計食下停下，一路食d菜一路上，唔係每款都影得切相，只能揀幾張相同大家分享一下!
先黎上陳皮燒鵝王 – 燒鵝肉質好鮮嫩保留到皮脆肉juicy，而且真係食到淡淡陳皮香味，基本上唔需要點太多汁，係我食過最好食燒鵝!
陳皮燒鵝王
56 瀏覽
0 讚好
0 留言
回味安格斯牛柳粒 – 牛味香濃，熟成度岩岩好，呢個菜絕對唔會令人失望。
古法雞煲翅 – 呢道簡直係成餐飯精髓!!! 成碗金黃色嘅雞煲翅，遠遠見到已經流哂口水，飲第一啖真係有條龍飛出黎，超級足料，成碗湯係好香好濃，翅夠粗身，大啖大啖翅食落口，好食到癲!
古法雞煲翅
39 瀏覽
1 讚好
0 留言
古法雞煲翅
178 瀏覽
0 讚好
0 留言
懷舊蝦多士 – 呢款懷舊蝦多士已經愈黎愈少餐廳見到，岩岩炸起脆口熱辣辣嘅多士配上大大隻蝦喺面，呢個香脆誘惑程度係即使你知道好熱，但都係忍唔住要即食入口!
懷舊蝦多士
20 瀏覽
1 讚好
0 留言
懷舊蝦多士
110 瀏覽
1 讚好
0 留言
脆皮炸大腸，潮洲普寧脆豆腐，椒鹽炸粟米，瑤柱蛋白飯……全部都實在唔駛多講，一個字 - 「正」!
油鹽水浸蜆 – 聽個名咁簡單食落口一d都hea，海鮮夠新鮮其實輕輕白灼加蕙已經好正，但如果你冇經驗同技術，一道簡單菜都會出事，但佢地冇! 蜆好新鮮，只係用油鹽水浸蜆都已經可以令佢閃閃發光!
油鹽水浸蜆
60 瀏覽
0 讚好
0 留言
薑蔥美國桶蠔煲 -桶蠔用薑蔥爆香，炒完冇縮水，大大隻食入口，爽呀!
薑蔥美國桶蠔煲
33 瀏覽
0 讚好
0 留言
中式菜式最後都要有款傳統糖水作為總結，今次就以靚既紅豆沙收尾，紅豆沙唔太甜又多沙，好食!
靚紅豆沙
18 瀏覽
0 讚好
0 留言
***每款餸菜都神級水準，上菜職員亦好有禮貌，呢餐飯真係食得好滿足又開心! 而家一路寫一路回味中!
張貼
