影片
更多
2018-04-30
47 瀏覽
食飯呢，我一般都鐘意試小店，一來久不久會有驚喜，二來試過差D餓死响大商場的餐廳門口，所以都係搵D有口卑又可以 book 枱的小店就啱了。 今次試左廣華食街內的一間小店，叫 JC Room ，掂喎！餐牌有三、四頁，有 頭盤、pizza 、意粉、扒、burger 等，每類別選擇不算多，但食完便明白應該款款都係 signature ，因為我地隨便 order 左幾款食物全都好味的。呢個磨菇湯係我飲過最熱辣辣的西湯，有濃濃菇菌味，仲隱若有少少海鮮味？份量不算太多，味濃厚但絕對不會太漿，誠意之作。鴨胸沙律份量多，沙律菜新鮮，鴨胸有兩片煎過的，但略為肥左少少，所以沒有吃鴨皮部份，呢個沙律正正常常合水準。餐包免費送的有兩款，包括麵包條同埋切到正正方方嘅麵包片。當中最讚的係佢嘅芝士醬，似自家製，好香又夠濃郁，點麵包一流。食曬麵包仲有好多醬剩，果一刻有D想問問麵包有冇得加，唔使浪費剩下的芝士醬。連餐包都整到咁有heart, 呢間小店真係不容忽視。板燒紐西蘭肉眼扒$238，牛扒肉味濃、油脂多而且煎得好香。肉質夠嫰夠淋，半生熟得來又冇血水出，五成熟火候控制啱啱好。醬汁有燒汁同芥末汁可以配，我覺得燒汁好D，唔
食飯呢，我一般都鐘意試小店，一來久不久會有驚喜，二來試過差D餓死响大商場的餐廳門口，所以都係搵D有口卑又可以 book 枱的小店就啱了。
今次試左廣華食街內的一間小店，叫 JC Room ，掂喎！
餐牌有三、四頁，有 頭盤、pizza 、意粉、扒、burger 等，每類別選擇不算多，但食完便明白應該款款都係 signature ，因為我地隨便 order 左幾款食物全都好味的。
呢個磨菇湯係我飲過最熱辣辣的西湯，有濃濃菇菌味，仲隱若有少少海鮮味？份量不算太多，味濃厚但絕對不會太漿，誠意之作。
鴨胸沙律份量多，沙律菜新鮮，鴨胸有兩片煎過的，但略為肥左少少，所以沒有吃鴨皮部份，呢個沙律正正常常合水準。
餐包免費送的有兩款，包括麵包條同埋切到正正方方嘅麵包片。當中最讚的係佢嘅芝士醬，似自家製，好香又夠濃郁，點麵包一流。食曬麵包仲有好多醬剩，果一刻有D想問問麵包有冇得加，唔使浪費剩下的芝士醬。連餐包都整到咁有heart, 呢間小店真係不容忽視。
板燒紐西蘭肉眼扒$238，牛扒肉味濃、油脂多而且煎得好香。
板燒紐西蘭肉眼扒
$238
13 瀏覽
1 讚好
0 留言
肉質夠嫰夠淋，半生熟得來又冇血水出，五成熟火候控制啱啱好。醬汁有燒汁同芥末汁可以配，我覺得燒汁好D，唔會蓋過肉味。
板燒紐西蘭肉眼扒
$238
6 瀏覽
1 讚好
0 留言
粗薯條係鮮炸出來的，好脆好新鮮有薯味。仲有一小碟酸菜，酸酸地夠醒胃。
另一個主菜係香辣蒜片虎蝦炒扁意粉 $168，有兩隻大蝦，加黑椒煎得好香。蝦夠大隻啖啖肉，仲有啲膏好滋味。
香辣蒜片虎蝦炒扁意粉
$168
5 瀏覽
1 讚好
0 留言
扁意粉用咗好多蒜頭同埋蘑菇一齊炒，好香好惹味，仲好欣賞佢夠乾身唔油膩。但係意粉同埋蝦都有D辣，唔食辣嘅朋友要提早講聲減辣啦！
香辣蒜片虎蝦炒扁意粉
$168
1 瀏覽
0 讚好
0 留言
餐飲我哋叫咗啲特飲，跟餐每款都加＄12。
Latte (+$12)，個樣都靚靚哋朋友話正，夠滑。
檸檬蜜糖 （+$12），細細杯但係蜜糖重手左，太甜了。飲飲下要加水溝淡啲飲，味道先啱啱好。
伯爵茶焦糖燉蛋（+$25），飽飽地最後我哋叫咗一個小型嘅甜品share。焦糖燉蛋食得多，伯爵茶味就真係未試過，一於會一會佢先！
得喎！除咗一貫嘅焦糖面之外，佢既蛋底有好濃既伯爵茶味。呢個配搭都唔錯，唔使成日剩係蛋味布甸咁悶。
伯爵茶焦糖燉蛋
11 瀏覽
0 讚好
0 留言
食到好飽又好味，埋單先每人二百幾，真係好抵。仲有得儲印仔，我差一個印仔就可以送甜品了，所以我相信好快會再encore囉！
張貼
