影片
更多
2025-02-22
0 瀏覽
今次第二次寫劣評 估唔到係呢間我同男朋友5:30pm入到去 嗰時餐廳仲係得我哋一台客 然後我哋就睇咗餐牌之後叫咗個二人套餐有個餐湯同餐包一個沙律兩個main course三選一兩個甜品兩杯嘢飲$608 再加一服務費都正正常常個樣都OK嘅 但係食落呢就好酸 好大浸醋味真開胃 太酸食咗一半冇食呢個海鮮燴飯有啲似落咗個羅宋湯一齊去整個飯帶子同蝦都係唔錯嘅 如果有興趣可以叫呢塊牛扒都尚算滿意係西冷有啲肥 蒜同埋其他配菜都係OK嘅 想食可以叫到呢兩個甜品真係等得耐 叫咗佢起甜品等咗半個鐘，如果唔係同佢講要走，佢都唔上甜品俾我哋 其他枱都已經有甜品 侍應同經理敷衍吓我哋講唔好意思嚟緊嚟緊 十分無奈 呢個焦糖燉蛋可以一試 但係等咁耐值唔值得 你就要諗吓 足足兩個鐘先走得到最搞笑係呢個芝士蛋糕 如果你哋有留意嘅話Menu上面係寫意大利芝士蛋糕 並非芝士蛋糕 但餐廳完全在餐牌上冇標明，今日冇供應意大利芝士蛋糕 呢點令我非常失望。 失望到一啖都冇食講唔到有幾好食。 喺OpenRice嘅食評寫到個意大利芝士蛋糕有幾好食 都食唔到 我仲問侍應呢個係意大利芝士蛋糕？！佢答唔出最後經理話今日冇供應最後又失望，又無
我同男朋友5:30pm入到去 嗰時餐廳仲係得我哋一台客
然後我哋就睇咗餐牌之後叫咗個二人套餐
有個餐湯同餐包
一個沙律
兩個main course三選一
兩個甜品兩杯嘢飲
$608 再加一服務費
都正正常常
個樣都OK嘅 但係食落呢就好酸 好大浸醋味真開胃 太酸食咗一半冇食
呢個海鮮燴飯有啲似落咗個羅宋湯一齊去整個飯帶子同蝦都係唔錯嘅 如果有興趣可以叫
呢塊牛扒都尚算滿意係西冷有啲肥 蒜同埋其他配菜都係OK嘅 想食可以叫
到呢兩個甜品真係等得耐 叫咗佢起甜品等咗半個鐘，如果唔係同佢講要走，佢都唔上甜品俾我哋 其他枱都已經有甜品 侍應同經理敷衍吓我哋講唔好意思嚟緊嚟緊 十分無奈
呢個焦糖燉蛋可以一試 但係等咁耐值唔值得 你就要諗吓 足足兩個鐘先走得到
最搞笑係呢個芝士蛋糕 如果你哋有留意嘅話Menu上面係寫意大利芝士蛋糕 並非芝士蛋糕 但餐廳完全在餐牌上冇標明，今日冇供應意大利芝士蛋糕 呢點令我非常失望。 失望到一啖都冇食講唔到有幾好食。 喺OpenRice嘅食評寫到個意大利芝士蛋糕有幾好食 都食唔到
我仲問侍應呢個係意大利芝士蛋糕？！佢答唔出最後經理話今日冇供應
最後又失望，又無奈埋咗一張$608 再加一 第二次惠顧咗呢間餐廳 幾年前食過都覺得普通但未至於要寫劣評 今日忍唔住寫咗
貼返收據證明有消費
個收據仲係寫緊意大利芝士蛋糕真係可笑
要講嘅係咁多 自己諗啦
張貼
