大富翁名人火鍋食府 (已結業)

與以前不倒翁同一樓層，同樣高位置，可眺望維港及港島景緻，新開火煱店，無乜人知而且不知有點心選擇，所以假期午市，只有3,4枱客，這點心雖然種類少，但質數環境與價錢比較，係超值。 翡翠帶子腸粉$46，皮軟滑，不是現在興嗰的水晶略透明，而係全白色的，揭開有竹苼，帶子又厚又大到像食指舆手指公掂到圈起咁大，又鮮味，但說翡翠，用炸脆蕃薯葉作伴，非菜芯，露荀，但我較喜歡新鮮菜。 金魚餃拼鮑魚燒賣$55，兩樣都爆饀，漲卜卜，燒賣蝦粗並多過肉，鮑魚無味，以此價無要求，金魚餃做型生動，全蝦肉，鮮，手指咁粗，蝦餃皮有彈性。 义燒飽$28，大隻，逼滿成個籠，高级餐廳少見，包型開花，正宗， 多餡，醬汁甜，义燒腍而有質，粉皮軟香雪白，優質。 野菌上素餃$38，水晶皮通透，挺身漲卜卜，就知菌新鮮，係芫茜少咗的。 名字大富翁名人，材料梗係要高質，唔係怎樣吸引大富翁及名人惠顧！