影片
更多
2022-01-01
102 瀏覽
琴晚除夕諗住2021最後一餐食下韓國嘢就去咗尖沙咀韓國街揾食條街佢同韓屋都比較多人排 諗住實冇死點知賴曬嘢😢😢等咗成20分鐘左右 終於嚟咗第一樣野麵炒年糕老老實實 可以話唔好食 但未難食到貼地啲麵太淋 最好食係塊魚糕 味道真係有待改善嚟咗個辣麵炒年糕之後 個女侍應將我哋啲嘢食俾曬其他枱 搞到我哋食完等咗半個鐘 叫嘅甜辣炸雞 同泡菜煎餅 都未上到🥲🥲重點係佢完全一點歉意都冇 個眼神好唔友善🙃催完佢哋之後 10分鐘內都送晒上嚟 但之後都冇乜心情同啲食物影相甜辣炸雞 食起上嚟覺得幾好食 但啲醬少到得滯 最後叫佢俾多少少醬我哋泡菜煎餅依個真係麻麻地 佢嗰泡菜煎餅好似用粉開咁😢最後埋單嗰時男朋友發現佢哋唔知點解收多20蚊一問先知原來加嗰個甜辣醬係要20蚊💥💥🙂 但事前佢哋完全冇講過 雖然最後講完冇收到 但個女侍應真係冇服務可言 乜都話唔知 係咁睥住🙂 個男嘅好少少
就去咗尖沙咀韓國街揾食
條街佢同韓屋都比較多人排 諗住實冇死
點知賴曬嘢😢😢
等咗成20分鐘左右 終於嚟咗第一樣野
麵炒年糕
老老實實 可以話唔好食 但未難食到貼地
啲麵太淋 最好食係塊魚糕 味道真係有待改善
嚟咗個辣麵炒年糕之後 個女侍應將我哋啲嘢食俾曬其他枱 搞到我哋食完等咗半個鐘 叫嘅甜辣炸雞 同泡菜煎餅 都未上到🥲🥲
重點係佢完全一點歉意都冇 個眼神好唔友善🙃
催完佢哋之後 10分鐘內都送晒上嚟 但之後都冇乜心情同啲食物影相
甜辣炸雞
食起上嚟覺得幾好食 但啲醬少到得滯 最後叫佢俾多少少醬我哋
泡菜煎餅
依個真係麻麻地 佢嗰泡菜煎餅好似用粉開咁😢
最後埋單嗰時男朋友發現佢哋唔知點解收多20蚊
一問先知原來加嗰個甜辣醬係要20蚊💥💥🙂 但事前佢哋完全冇講過 雖然最後講完冇收到 但個女侍應真係冇服務可言 乜都話唔知 係咁睥住🙂 個男嘅好少少
張貼
