影片
更多
2020-09-30
786 瀏覽
見到某一KOL成日share，好似好正咁，就諗住試下，lunch去食，叫咗最貴個餐，盛惠1280。諗返起係自己傻，唔食抵食個啲15貫應該都冇咁覺得不值。好同意一篇講同質素好少少嘅日本餐廳差唔多，但價錢差好遠。明明見到人哋KOL大大件周不時有嘢送，而我去到上來嘅每一件仲細過爭鮮。每件都算精緻，下圖得個蝦係可以令人記得，好食又靚，但真係好細件。其他都一般，有啲唔係omakase 個價錢嘅地方做得更好。幫我整嘢食嘅師傅係較矮小的，講野好細聲，聽唔係好到，初期介紹還好，一半後尾好似hea講。最好食係個生蠔同海膽，好新鮮好甜但又唔膩，生蠔都好大，好彩叫最貴個餐先有。其他冇咩特別。最signature嘅熊餅冇影，覺得同壽司唔係好夾，搶咗個味道同質感，有少少漿住嘴邊個膜。壽司都係傳統啲好。加塊脆餅，食咩魚生都感覺唔到咁。個金箔手卷都一般，吞拿魚唔覺得鮮甜，幾乎感覺唔到佢存在。亦唔覺金箔有提升到手卷質素。總括而言，lunch食都唔覺得性價比高，可能只係靚女KOL有特別待遇，凡人就算吧啦。可有其他更好選擇。
好同意一篇講同質素好少少嘅日本餐廳差唔多，但價錢差好遠。
明明見到人哋KOL大大件周不時有嘢送，而我去到上來嘅每一件仲細過爭鮮。
每件都算精緻，下圖得個蝦係可以令人記得，好食又靚，但真係好細件。其他都一般，有啲唔係omakase 個價錢嘅地方做得更好。
幫我整嘢食嘅師傅係較矮小的，講野好細聲，聽唔係好到，初期介紹還好，一半後尾好似hea講。
最好食係個生蠔同海膽，好新鮮好甜但又唔膩，生蠔都好大，好彩叫最貴個餐先有。其他冇咩特別。
最signature嘅熊餅冇影，覺得同壽司唔係好夾，搶咗個味道同質感，有少少漿住嘴邊個膜。壽司都係傳統啲好。加塊脆餅，食咩魚生都感覺唔到咁。
個金箔手卷都一般，吞拿魚唔覺得鮮甜，幾乎感覺唔到佢存在。亦唔覺金箔有提升到手卷質素。
總括而言，lunch食都唔覺得性價比高，可能只係靚女KOL有特別待遇，凡人就算吧啦。可有其他更好選擇。
張貼
