Error 19 (已結業)

應承咗個仔去食一層層嘅下午茶，見到呢間餐廳有，就Bk 位去咗食。一嚟到我哋淨係嗌咗個下午茶，佢個餐飲係配咗個熱嘅水果茶，環境非常美麗，有花花牆，周圍都有啲水晶球燈，少女味十足，喺門口仲有個打卡位，係個月亮同花花牆。我哋坐低咗之後，等咗大約15分鐘，個下午茶就過到嚟啦。首先立眼望見到有漢堡包、鵝肝多士、芝麻雞翼、蝦多士、馬卡龍、忌廉泡芙、仲有蘋果金寶。食落嘅食物其實味道都係一般，除咗芝麻雞翼同蝦多士比較好食之外，其他味道都係普通。總括嚟講打卡影相就幾好嘅，食物就真係一般啦，短期內都唔會再嚟。