刕舙馫麵館 (已結業)

在附近剪完頭髮，見到有一間新開冇幾耐的麵館，首先是畀佢個名吸引了，見到店舖有一個遊戲活動，如果讀到佢個名嘅可以送可樂一罐， 可惜我諗咗好耐都唔識讀， 雖然贏唔到可樂，但係因為我嘅好奇心最終我都走去問老闆究竟佢哋個名點讀呢？ 餐廳裝修光猛，左右兩邊都有寬闊的卡位。看見餐牌上有很多麻辣，還有一些小食。我本身好鍾意麻辣的香味但係又怕辣，所以今次叫了少少辣！ 點了一個麻辣口水雞刀削麵$52，麻辣牛筋腩刀削麵$45，涼拌青瓜$9，凍檸樂$10。涼拌青瓜 ~ 最鍾意食涼拌青瓜， 帶有小小麻辣香。麻辣口水雞刀削麵 ~ 口水雞和刀削麵分開上， 份量都幾大碟， 隻雞幾新鮮完全沒有雪味。食落聞到香噴噴的麻辣香，很喜歡這種味道。如果唔夠辣，還可以加他們自製的麻辣醬。麻辣牛筋腩刀削麵 ~ 牛筋腩好入味又燜得夠林。大大碗刀削麵， 我一個人都食唔曬一碗。