小茶屋 (已結業)

去開旺角一定要順便過黎拜訪一下，呢間個杯都靚過人既人氣日式茶飲店，淨係個賣相已經夠吸引夠晒 igable，其實今次係我第2次黎，話說上一次黎店員同我講佢地好靚個杯暫時冇晒貨，只可以用番普通茶飲店果隻杯裝，執著的我當時好失望既我係冇買到既，話晒我都係比個杯吸引左黎架嘛，所以專登要等有個靚杯時先再黎買，而今次如我所願72% 純生朱古力奶  $36呢杯朱古力奶係佢地自己真係用72% 既生朱古力去溶完煮出黎既，唔係用普通朱古力定可可粉去沖，成杯朱古力奶係超級濃厚，岩岩沖好既時候D朱古力漿係會沈晒係底部位置，飲之前一定要大力搖勻佢先，唔係既話開左蓋就番唔到轉頭，要用人手自己搞，因為個樽就係好似汽水罐咁，啪開左就閂唔番架喇 濃厚既72% 生朱古力漿同D牛奶撞勻左一齊之後好好飲，又夠凍，杯朱古力奶非常香滑，朱古力味濃郁之餘亦因為佢用既係72%濃度，完全唔怕會過甜，仲有少少回甘既味道，加上一杯都真係好大罐，飲完之後好飽，呢個價錢咁高質既朱古力奶黎講，真係極之抵飲，下次經過一定會再買。