豚道樂 (百合苑商場) (已結業)

今日兩點先去食，過咗午飯時間不用排隊直接入座。一個人叫咗一碗豚肉拉麵豬骨湯，一客餃子，一碟牛油粟米。先講餃子同埋粟米正常嘢OK都唔錯。粟米夠熱牛油都幾香，餃子就厭個餡多肉得滯；煎得幾香嘅、呢個純粹個人喜好。講返個主角拉麵 - 麵質都幾好、叉燒又幾香、唯獨是個湯太油 & 有豬騷味。個人而言，拉麵唔好食；但係開緊拉麵店咁點搞。最後係想講一講個店舖環境，拉麵店就一定係迫㗎喇。呢個都唔會講究冇乜要求。但係音樂唔好爆大聲囉，真係令人好困擾！我見到隔離兩張枱嘅人基本傾偈都好難。