火赤

營業中

休息中

同friend勁耐冇見所以嚟呢間餐廳聚下，嘢食質素其實好好，不過係個老男人waiter定唔知係個老細（目測40歲）勁趕客，搞到成件事勁bad trip😅嗰日啱啱食完嘢冇耐同個friend嚟下場，諗住嗌幾串試吓、飲吓酒、chill吓咁樣，叫到一半都驚叫太多（已經叫咗$400幾），就同friend講緊要唔要食完之後先繼續嗌，點知條友就黑口黑面咁樣講咗句: “其實你哋都唔係嗌咗好多㗎咋” (我一字一句咁樣寫返出嚟，冇添油加醋）我心諗咩料啊先生😅i mean你呢度睇裝修都係行日本居酒屋風格㗎啦，同friend過嚟飲杯酒食幾串吹下水好失禮你？😅定係嚟呢度一定係要空肚嚟然後食飽？😅😅嘩咁我建議啲人都係唔好嚟啦anyway唔好因為一個西人而否定成間餐廳🙂‍↕️最後都嗌咗$1000幾，飲咗酒好似會食多咗嘢（算係平時喺香港居酒屋兩個人食飽嘅價錢，但服務上嚟講一定有好啲嘅選擇🙏🏻）其實去呢種類型嘅餐廳都係想同朋友一齊飲吓酒聚吓開心吓，有個咁嘅waiter都kind of係呢間餐廳嘅敗北，餐廳員工態度好重要，呢個價位請啲態度好少少嘅員工唔過分吧